الحياة

اهلا وسهلا بيك نورت المنتدى ويارب ينال اعجابك من فضلك لو انته زائر كريم يا ريت تسجل معانا من هنا ولو عضو سجل دخولك وشكرا ليك وان شاء الله نكون عند حسن الظن

منتدى فيه كل مايهم المستخدم العربي برامج العاب اغاني منوعات موبايلات وغيرها الكثير

منتديات الحياة تهنئكم بحلول شهر رمضان المبارك اعاده الله علينا وعليكم باليمن والبركات باذن الله وكل عام وانتم بخير
الخيمه الرمضانيه مفتوحه لكل زوار المنتدى الكل يستطيع مشاركتنا بمواضيعه وردوده ومشاركتنا الثواب طوال هذا الشهر الكريم لا داعي للاشتراك في المنتى فقط كن واثقا ان الله رقيب عليك واترك في المنتدى زهره تفيدك وتفيد الجميع باذن الله

    موسوعة مصطلحات شبابنا اليوم

    شاطر
    avatar
    midomshakel2010
    المدير العام
    المدير العام

    عدد الرسائل : 1582
    العمر : 27
    تقييم الاعضاء لهذا الموضوغ : 0
    عداد النقاط : 8139
    تاريخ التسجيل : 28/02/2008

    موضوع موسوعة مصطلحات شبابنا اليوم

    مُساهمة من طرف midomshakel2010 في الثلاثاء سبتمبر 16, 2008 6:06 am

    مصطلحات الشباب الجديده ومعناها بالعربيه


    --------------------------------------------------------------------------------

    يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد

    إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها
    يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أو


    حتة (( شامبو )) يعنى ريحتها حلوة ومستحمية !!!


    ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى
    (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
    (( سلعووه ))

    ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

    ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى
    (( بيئة ))....

    وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

    وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

    ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....


    وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
    (( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
    (( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
    (( ... (( شامورتى )) يعنى خنييق ..


    (( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!

    ولو الولد تعبان فى المذاكرة يعنى (( جايب جاز والشراب هوى ومتخرتق )) !!!



    وأكثر مصطلحات متداولة هذة الايام

    (( العب باشكا )) يعنى العب على المكشوف !!

    (( حطيت إيدى على البلف )) يعنى فهمت الموضوع !!!

    (( أدعك الفانوس دلوقتى )) يعنى ممكن تمشى وترحل !!!

    (( أرحلك )) أخرجك من الشلة !!

    (( الجوند )) فلوس !!

    (( مكيش القفف )) معاه فلوس كتير !!

    (( يا صباح المظلات )) للمتقدمين للكليات العسكرية !!

    (( فهمـى )) يعنى نفض وكبر الجمجمة !!!

    (( أحلق )) طنش !!!

    (( انت حتزاولنى )) انت حتشتغلنى !!!

    (( مهييس )) عامل دماغ وطاير قووى !!!

    (( يا صباح اللى بتغنى )) صباح الخير !!

    (( يا مساء الليل )) يعنى يا مساء الخير !!!

    (( فوكك )) سيبك من الموضوع دة !!!

    (( أراك أمس )) يعنى مش عايز اشوفك تانى !!!

    (( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

    (( كل معرفتى بيه .. هاى باى )) يعنى مش صاحبى قوى !!!

    (( شوليطى . موليطى )) يعنى مش معايا فلووس .. مفلس !!


    ومن مصطلحات الاغانى المنتشرة بكثرة هذة الايام الاتى :

    (( انا رايح ألعب مع روبى )) يعنى انا رايح الجيم !!!

    (( تعالوا نحصل ماريا )) تعالوا نلعب شوية !!

    (( انت بتقلد روبى ؟ )) يعنى بتخبى وبتدارى !!

    (( أنت كدة تعجب بوسى سمير )) يعنى انت حطيت النقط على الحرووف


    بعد النهايه الجميله للموضوع ده عندي تنويهات
    1- الموضوع منقول
    2- انا حطيته هنا ومش في قسم المشاكل الجاده لسببين
    الاول ان العين هنا اكتر
    الثاني عشان فعلا احزر من تفاهة الشباب المصري ولو احنا منبتهناش لنقطه صغيره زي كده شبابنا اللي هوا لبنة بناء المجتمع هيضيع
    طبعا دول فئه قليله من المجتمع بس مننا ولازم ننتبه لده عشان نعرف نعمل لنفسنا حاجه ف المستقبل
    زدمتم ....


    _________________
    avatar
    جوليت
    المدير العام
    المدير العام

    عدد الرسائل : 273
    العمر : 25
    جنسيتك : مصري
    علم الدوله :
    تقييم الاعضاء لهذا الموضوغ : 0
    عداد النقاط : 3663
    تاريخ التسجيل : 04/02/2008

    موضوع رد: موسوعة مصطلحات شبابنا اليوم

    مُساهمة من طرف جوليت في الخميس نوفمبر 13, 2008 10:20 pm

    هههههههههههههههههه
    الموضوع هايل بجد بجد بجد
    وعاجبني جداااااااااااااااااا فوق ما تتوقع
    ومنكم نستفيد
    ههههههههههههههههههههه
    شكرا


    _________________
    اجمل احساس ممكن ان تشعر بيه في هذه الدنيا
    هو عندما تجد الحب
    فالحب كالبحر الذي لا يهدأ

      الوقت/التاريخ الآن هو الجمعة نوفمبر 24, 2017 6:37 pm