الحياة

اهلا وسهلا بيك نورت المنتدى ويارب ينال اعجابك من فضلك لو انته زائر كريم يا ريت تسجل معانا من هنا ولو عضو سجل دخولك وشكرا ليك وان شاء الله نكون عند حسن الظن

منتدى فيه كل مايهم المستخدم العربي برامج العاب اغاني منوعات موبايلات وغيرها الكثير

منتديات الحياة تهنئكم بحلول شهر رمضان المبارك اعاده الله علينا وعليكم باليمن والبركات باذن الله وكل عام وانتم بخير
الخيمه الرمضانيه مفتوحه لكل زوار المنتدى الكل يستطيع مشاركتنا بمواضيعه وردوده ومشاركتنا الثواب طوال هذا الشهر الكريم لا داعي للاشتراك في المنتى فقط كن واثقا ان الله رقيب عليك واترك في المنتدى زهره تفيدك وتفيد الجميع باذن الله

    قانون المرور الجديد

    شاطر
    avatar
    midomshakel2010
    المدير العام
    المدير العام

    عدد الرسائل : 1582
    العمر : 28
    تقييم الاعضاء لهذا الموضوغ : 0
    عداد النقاط : 8440
    تاريخ التسجيل : 28/02/2008

    موضوع قانون المرور الجديد

    مُساهمة من طرف midomshakel2010 في الأربعاء سبتمبر 17, 2008 2:40 am

    قانون المرور المصري "2006" طازة من الكنترول
    نرجو القراءة بتمعن سواء كان عندك عربية أو لا .., من الأخر فتح دماغك يا زبون

    القاعدة الأولى:

    لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع
    ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه


    القاعده الثانيه:

    البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!

    احرص على أن تكون صاحب أول بوز.

    ملحوظة: لا تطبق الـ Booze Base مع أي لوري أو أتوبيس ، حرصاً على بوزك لا مؤاخذة.


    القاعدة الثالثة:

    الإشارات تكشف نواياك للأعداء ، أياك أن تستخدمها!


    القاعدة الرابعة:

    لا تترك مسافة للأمان بينك و بين السياة التي أمامك فهذا له عدة مخاطر:

    1. عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية.

    2. تعطي فرصة للعيال يعملوا غرز قدامك.

    3. كل المشاة حيغمضوا عينيهم و يعدوا من الحته دي.

    4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.

    الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

    اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).


    القاعدة الخامسة:

    اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح ، لأن الناس الي قدام بيبقوا واقفين في الاشارة من زمان و جايز جداً يكونوا ناموا


    القاعدة السادسة:

    معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


    القاعدة السابعة:

    الشارع مكان مقرف ، سوق بأسرع ما يمكن حتى تتخلص من هذا الهم بسرعة ،

    الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


    القاعدة الثامنة:

    من حقوقك الدستورية أن تركن أمام باب المحل الذي تريد أن تشتري منه ،

    اذا سبقك واحد ابن ستين في سبعين و ركن قدام الباب ، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل ، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟


    القاعدة التاسعة:

    من حقك أيضاً أن تخرج من مكان انتظارك في أي لحظة تشاء ، اكسر الدركسيون شمال و اطلع ، أي حد ماشي في الشارع لازم يقف لك فورا ً، راجع البند السابق.


    القاعدة العاشرة:

    إحترس من ثلاث أنواع من السائقيين بيسوقوا و كأنهم مش ممكن يموتوا:

    1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

    2. موتوسيكلات توصيل الطلبات ( Home Delivery ).

    3. سواقين الميكروباص.

    ملحوظة: إوعى تحاول تثبت لحد منهم إن فكرته غلط. فاهمني!.


    القاعدة الحادية عشر:

    لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون ، و بعدين لما الطريق وراك يقف تحمي المجتمع من حادثة تانية.


    القاعدة الثانية عشر:

    الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك.


    القاعدة الثالثة عشر:

    لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).


    القاعدة الرابعة عشر:

    من حقك أن تعبر الشارع في أي وقت و من أي مكان.


    القاعدة الخامسة عشر:

    اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟


    القاعدة السادسة عشر:

    اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.


    القاعدة السابعة عشر:

    حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟

    عرض قفاك و سيبه يتفلق.


    القاعدة الثامنة عشر:

    الرصيف ليس للمشاه ، بل لركن السيارات و فرشات الباعة الجائليين و المحلات... الخ ،

    لذلك يحق للمشاة السير في وسط الشارع ، لمزيد من الأمان ، راجع القاعدة السابقة.


    القاعدة التاسعة عشر:

    إذا كان الماشي من فئة النقل الثقيل ، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة....


    _________________
    avatar
    جوليت
    المدير العام
    المدير العام

    عدد الرسائل : 273
    العمر : 26
    جنسيتك : مصري
    علم الدوله :
    تقييم الاعضاء لهذا الموضوغ : 0
    عداد النقاط : 3964
    تاريخ التسجيل : 04/02/2008

    موضوع رد: قانون المرور الجديد

    مُساهمة من طرف جوليت في الخميس نوفمبر 27, 2008 6:48 pm

    ههههههههههههههههههههههههههه
    كل ده اكيد انت عايز تخلص من شعب مصر وتقلل الكثافه السكانيه
    هههههههههههههههههههههههههههه


    _________________
    اجمل احساس ممكن ان تشعر بيه في هذه الدنيا
    هو عندما تجد الحب
    فالحب كالبحر الذي لا يهدأ
    avatar
    midomshakel2010
    المدير العام
    المدير العام

    عدد الرسائل : 1582
    العمر : 28
    تقييم الاعضاء لهذا الموضوغ : 0
    عداد النقاط : 8440
    تاريخ التسجيل : 28/02/2008

    موضوع رد: قانون المرور الجديد

    مُساهمة من طرف midomshakel2010 في الخميس نوفمبر 27, 2008 10:11 pm

    مش بزمتك فكره الشعب المصري كتير اوي وانا زي ما انتي عارفه مصلح اقتصادي طبعا لازم اساهم على قد ما اقدر


    _________________
    avatar
    جوليت
    المدير العام
    المدير العام

    عدد الرسائل : 273
    العمر : 26
    جنسيتك : مصري
    علم الدوله :
    تقييم الاعضاء لهذا الموضوغ : 0
    عداد النقاط : 3964
    تاريخ التسجيل : 04/02/2008

    موضوع رد: قانون المرور الجديد

    مُساهمة من طرف جوليت في الجمعة نوفمبر 28, 2008 12:00 pm

    شكلك كده في الثانويه العامه كنت واخد اقتصاد واحصاء
    ههههههههههههههههههههههههههههه


    _________________
    اجمل احساس ممكن ان تشعر بيه في هذه الدنيا
    هو عندما تجد الحب
    فالحب كالبحر الذي لا يهدأ

      الوقت/التاريخ الآن هو الجمعة سبتمبر 21, 2018 10:06 am