تهييس الشباب

اقولك انا يا ستي بصفتي محضر دراسات عليا في موضوع التهييس ده
اولا الكلمه تهييس جايه من الفعل هيس يهيس فهو مهيس فالمهيس هنا هو اللي بيهيس بمعنى بهيس تهييسا

هفف سيبك من الكلكعه دي عم اصل الكلمه ومعناها بالانجليزي Taheess ما علينا
المصطلح ده بيستخدمو الشباب اليومين دول عشان يعبر عن كذا ِحالهِ
1- التعب جدا يعني خارج او خارجه من محاضره او بعد دوام الشغل او المدرسه تعبان جدا وعايز السرير بحيث لان لو حد سألك عن الساعه مثلا مش هستغرب لو لقيتك بدورلو عليها ف جيبك من فرط التعب وهنا بنقول احنا مهيسين من التعب مش مركزين
2- حاله تانيه لما تكون القعده فيها جمعه والناس ملمومه وبيتكلمو ف حاجه والموضوع قلب بهزار والهزار قلب بدحك وكل واحد يرمي جمله بقى ليها او ملهاش علاقه بالموضوع ولكنها بدحك كل اللي قاعدين لدرجة ان بطنهم بتوجعهم من الدحك وساعتها بيقعدو يهبلو هنا بيكون اسمهم بردو مهيسين
3- تهييس بمعنى قلش واحد جي يهيس علينا يعني جي يقلش او جي يخترع او يقول موضوع محصلش لاي غرض يعني بيعيش عالناس والناس تكون مخنوقه من اللي هيقولو يعني واحد رخم جي يهيس علينا يعني يخترع
4- الجهاز هيس يعني ايا كان الجهاز ده ابتدى يخرف ويعمل دور مش دوره ف الحياه مثلا تلاقي التلفزيون شغال مكنسه او هنج متعرفش ليه هو هنج لكنو عملها وهنج هنا نقول الجهاز ده هيس

ف التهييس دهفعل مضارع وverb to be to do ف كل واحد ياخد بالو منو لانو بيتكرر ف حيات الشباب اليومين دول كتير اوي موضوع التهييس ده وكمان انا مهيس دلوقتي والنتيجه انك متلاقيش ولا اي موضوع ليا ف اي حته غير وفيه مليون خطأ كتابي
يلا هيسو براحتكو وخدو بالكو منكو
والسلام ختام يا رجاله ويا سيدات