انا عندي مشكله جااااااااااااااااااااااااااامده حد يدخل يشوفلي حل

انا عندي مشكله جااااااااااااااااااااااااااااااااااامده بس هي مش مشكله واحده هي مشاكل
بس الاول اشوف حل للمشكله ديه
اول حاجه انا انسانه شكاكه جداااااااااااااااااااااااااااااااااااااااااا
بشك في كل الناس
دايما حسه ان هما بيخدعوني
وان هما مش بيصرحوني بالحقيقه خلاص جابولي عقده نفسيه
انا دلوقتي مبثقش في حد خالص الا من رحم ربي بالبلدي مش اي حد غير الناس الى برتحلهم نفسيا
وبحس ان الناس بينفقوني
كتير بيقولو عليا طيبه وكتير بيقولو عليا شريره
في ناس بتحبني وفيه ناس بتكرهني
وده طبيعي بس انا بحب الناس كلها مش كلها اوي يعني
المهم انا بحس ان الى بيكرهوني اكتر
ياجماعه يلي في المنتدى انا عارفه ان فيكم ناس بتحبني وناس بتكرهني
بس انا عايزه اعرف انا اعمل ايه الى يكرهني اكرهه ولا لاء
وكمان موضوع الثقه في الناس
انا عايزه حل
يلا شطارتكم

ياجوليت الحالة اللى انت فيها دى بسبب اللى بتسمعية وبتشوفية انتى زكية جدا جدا وبتقدرى تكشفى اى حد يكون مش واضح وصريح معاكى وعلى فكرة مش حلو انك تثقى فى الناس الثقة الكاملة اول ماتعرفيهم حلو انك تاخدى وقتك فى معرفتهم واللى بيكرهك وميعرفش قيمتك او بيكرهك من غير ماتضرية ميستهلش ينول شرف معرفتك وعلى فكرة انتى عقلك اكبر من سنك ودايما صاحى عشان كدة بتشوفى معظم التصرفات تافهة من ناس تافهة وانها تصرفات عيال مش بيفكروا .عاملى الناس بطبيعتك بشخصيتك واحترمى اى نقد بيجيلك وفكرى فية بينك وبين نفسك ودايما ادعى ربنا يكشفلك اى شئ مخفى عن نظرك ويبعد عنك اى لئيم او خبيث او اى شخص مش كويس وصدقينى الوحش بيخنق نفسة بنفسة عيشى الحياة زى ماهى لانها صعبة اصلا مش مستاهلة نصعبها اكتر.

مرسي ربنا يخليكي يا قمر
يمكن عندك حق
بس انا بجد بتخدع كتير لاني بصدق الناس لاني معتقده ان زي ما انا مش بكدب عليهم هما كمان ميكدبوش عليا
وشكرااااااااااااااا للنصيحه

السلام عليكم
هوا مبدأيا برغم اني شايف ان الموضوع مبعوت بقاله اكتر من 9شهور، لكن حبيت اقول رايي واعلق على شوية حاجات، واتمنى ان رأيي يكون ايجابي ومفيد

هوا أول حاجة حضرتك قلتي "هي مش مشكلة واحده هي مشاكل "
رائع جدا انك حددتي المشكلة وعرفتي هيا فين بالضبط، وبالنسبة للمشاكل التانية، فهيبقى احسن واحسن كمان لو عرفتي تحدديها هيا كمان عشان تعرفي ازاي تحليها، تحديد المشكلة هوا فعلا فعلا ... نص الطريق

بالنسبة للشك في الناس، فمحدش هيقدر ينكر ان فعلا الناس من حولينا بقت اغرب بكتير والثقة فيهم بقت اصعب اكتر، بس انا لو فضلت اتكلم على الشك في الناس هخرج من الموضوع الاساسي اللي عايز اعلق عليه... لان مش "الشك في الناس" هوا مشكلتنا الاساسية هنا، انا ممكن اشك في الناس انهم "يعملوا او ميعملوش" حاجة معينة ، هيقفوا جنببي في موقف او لأ، وده بصراحة موضوع تاني

الفكرة الاساسية هنا اننا شاكين من ان اراءهم فينا صحيحة او لأ، حاسين انهم بينافقونا وبيجاملونا غالبا لمصالح شخصية في نفوسهم، وممكن من جوانا ميكونوش بيحبونا ومش بعيد كمان بيكرهونا

طيب تمام .... لحد كده مفيش مشكلة... ايه اللي بيعمل المشكلة بقا ؟؟؟؟؟

المشكلة كلها عندنا تظهر لما ندي آراء الناس ديه اهمية عندنا، اننا على اساسها نحدد رأينا الشخصي في نفسنا، لما نعتبرهم مرايتنا اللي بنشوف بيها نفسنا... ولما نستمد احساسنا بنفسنا وتقديرنا لذواتنا من آراء الناس فينا وتقديرهم لينا... يبقى هيا ديه المشكلة الحقيقية، لاني هنا لما اعتمد على اراء الناس في نظرتي لنفسي، وبعدين تطلع في الاخر مجرد مجاملات، يبقى مشكلة فعلا

وهيأكد الكلام ده لما حضرتك قلتي موضوع الثقة في النفس، برغم اننا ظاهريا قدام الناس لازم نبقى واثقين من نفسنا عشان شخصيتنا قدامهم و و و ، لكن الموضوع بيختلف لما تكون المواجهه مع "نفسي" مش مع أي حد تاني

عشان كده، أكيد أكيد فيه ناس قريبة من حضرتك، والدك والدتك صديقاتك، دول الناس اللي تثقي فيهم وتاخدي آرائهم، وتستشيريهم في النقد، وأكيد في النهاية الكمال لله وحده، وكل واحد فينا ليه سلبياته وعيوبه اللي لازم يجتهد عشان يصلحها على قد ما يقدر.

أكيد برضه مينفعش ناخد أي رأي ونقد كأمر مسلم بيه، لازم نفكر فيه ونحلله، ولازم نعرف ازاي نتقبل النقد، وازاي نتقبله ونستقبله بطريقة متأثرش على شخصيتنا، أحيانا حتى النقد بيبقى جارح، وده بصراحة بيبقى مش ذكاء خالص من صاحب النقد، لكن في النهاية لازم نعرف ازاي نتعامل برضه معاه، لازم نعرف ازاي نحول النقد لحاجة ايجابية نستفيد بيها، والقوة اللي هتخلينا نقدر نعمل كده هيا ثقتنا في نفسنا وايمانا بيها.... وكمان اننا نفهم نفسنا، ونقدرها... ونزود ثقتنا في نفسنا قدام نفسنا

أخيرا واضح ان فيه ثقة في النفس عالية جدا بدليل انك بعتي البوست ده قدام كل الناس، الصادقين والمجاملين ! لكن بس لازم ندي نفسنا حقها وقدرها ومناخدش بكلام أي حد كده، واتمنى قريب
جدا لما تلاقي مشكلة تانية مشابهه او تتعرضي حتى ليها يكون الرد جوا نفسك...
So What ?! I don't care !!


السلام عليكم

UPDATE: I don't know why my post appeared as sent from another member, I hope this try goes well and my valid name appears !!

شكرا على الرد على الموضوع وانته فعلا كلامك صح رأيي ف نفسي واقتناعي اني انا صح وعدم الاعتماد على كلام الغير - طبعا في منهم ناس نلهاش دعوه بالكلام ده زي الاهل او الاصحاب القريبين مننا جدا - هو المقياس اللي عندو بس ببدء اشوف اذا كنت انا محتاج اغير ف نفسي للاحسن ولا لا
مش اي كلام لمجرد انيس اكون سمعتو هيولد عندي الشك في ما اذا كنت صح او غلط

مستنيين مساهماتك الجايه رأيك فعلا محترم وجميل ويارب يكون تنفعنا بارائك ديه دايما

- عن موضوع الارسال بتاعك انته مسجل في المنتدى باسم The Unknown فعلا ومفيش مشاكل لو عايز تغير الاسم ده بس قولي وانا هقوم باللازم ..

ميرسي جدااااااااااااا على الرد الجامد ده
والله من كتر مشاكلي مش عارفه اكتب انهي فيهم
كفايه عليا مشكله الثانويه العامه
هههههههههههههههههه
شكرا ورأيك يهمنا جدا

كبري دماغك يا بنتي واللي مش بتستريحيله ماتتعامليش معاه

كل واحد بي
حقيقة كتير بتخدعه و تنافقه،و يكون ذلك عنده فقط اعتقد..
لكن الحقيقة فعلا إن معظم الناس بيخدعوا و بينافقوا....
لكن الواحد لازم يمشي بدماغه برضه و ما يهموش من الناس.....

ميرسي كتير على رأيك ده
وفعلا عندك حق