الموضوع ده منقول بالكامل لان الصحفيه اللي عملتو بجد عجبني اسلوبها جدا وادءها فعلا اكثر من رائع الموضوع انا نقلتهولكم بالكامل لانو عجبني جدا جدا
الموضوع من موقع مصراوي اكبر بوابه مصريعه عربيه عالانترنت
رشا لطفي - خاص - ايه اللي بيحصل بالضبط ؟! .. معقولة دي مدارسنا ؟! .. ازاي دول أولادنا ؟! .. دول كانوا لسه يا دوب حتة لحمة حمرا بيخطوا العتبة تاتاتا .. دخلوا مغارة الصياعة والضياع برجليهم ولا حد سمى عليهم .. أتاري المغارة ضلمة كحل مشرخة بالطول والعرض ملغمة عفاريت وشياطين وبلاوي سودا كتير.
الواد حسام ودماغه العالية في دنيا التوهان والبانجو والبرشام .. وصاحبنا شادي غرقان لشوشته في شرايط الجنس ومزز بلاد الخواجات..
وسامر واد برنجي في النط والتزويغ .. ما هو لا ضابط ولا رابط .. على رأيك مشيها وقول يا باسط تلاقيها هاصت، وعيش فرفور تموت مستور، وقلب واقلب، وسقع وبيع، والسريع المريع واوعى لحسن الهوا يعضك .. بلا تعليم بلا وجع دماغ .. سيبك من عكننة المدرسين وشخط المدير .. واللي يطق يموت .. وموتوا بغيظكم يا أولياء الأمور.. أما احنا كفاية علينا الكلام .. هو الكلام بفلوس .. ما هو كلام ابن عم حديت .. كلام ييجي على المواجع وكلام هردبيس .. عيال نقارة وعيال في الروشنة ببتهيص.. ويا ألف مليون خسارة ..!!
هل تعرف ما هي "م . ك"؟ .. ما تعرفش يبقى ما تنفعش تنضم إلى "الصيع" في مدرسة لغات بالدقي .. عارف ليه لأن "م . ك" هي أول سؤال لتأهيلك للصياعة "يا محترم " ..!!
طب خد عندك دي تعرف مين هي "ص . هـ . و" .. لسه مش عارف لا ده إنت حالتك مستعصية وميئوس منها على الآخر ولازم تعرض نفسك على أقرب خبير في الصياعة وإلا فاتتك فرصة العمر في الإلتحاق بركب الصايعين في القرن الواحد والعشرين ورجعت عشرات السنين إلى الوراء .. وإذا كان معندكش وقت إقرأ معنا هذا التحقيق.
والله العظيم.. ما ننشره هو ما يحدث بالضبط ولو لم تصدقنا اتفضل حضرتك انزل لناصية شارعكم أو اقرب مدرسة بجوار بيتكم حتى وإن كانت مدرسة إبتدائية وستكتشف بنفسك الحقيقة المذهلة المفجعة.
مفاهيم مجهولة الهوية مطموسة الملامح والقيم والمباديء اقتحمت حياتنا دون سابق استئذان لتنخر كالسوس في عظام أبنائنا، قنابل عنقودية قابلة للإنشطار والتناثر توزعت بين غول الإنحراف الذي كشر عن أنيابه ووحش الإنحلال يبخ سمومه في أعز ما نملك.. دراسات وأبحاث وتوصيات ولا حياة لمن تنادي.
أرجوكم لا تصدقونا ـ لأن هذا ما نريده بالضبط ـ انزلوا فوراً، تحروا، استقصوا، إسألوا، وابحثوا عن إجابات لتساؤلات مخيفة تداعت وتراكمت حتى استفحلت أوزارها واستشرت عللها وتعاظمت شرورها .. فهل من مغيث؟
الحكاية وما فيها إن شادي طالب في الصف الأول الإعدادي بإحدى المدارس التجريبية فوجيء عندما أراد أن ينضم إلى شلة "حازم" بأن أعضاء الشلة أجروا له إختباراً لتحديد مدى أهليته للإنضمام إلى شلتهم الموقرة !!!
سألت شادي: إيه اللي حصل؟
أبداً حبيت أنضم لشلة "حازم".
ومين حازم ده؟
ولد صايع عندنا في المدرسة وفي الفصل كمان عامل شلة هدفها الصياعة ودي غير شلة "مازن" اللي هدفها الإفترا؟!!!
وشكله إيه الأستاذ حازم؟
واد "روش طحن" "كينج" على كبير قوي آخر "هرتللة" ضارب شعره "واكس" وعامل "سبايكي" لابس بنطلون جينز ديرتي مرقع و"حظاظة" آخر صيحة وبادي مطبوع عليه زهرة الخشخاش وشايل مطواة "مشعوطة" وعامل شلة آخر "فنججة" وبيروح هو وشلته يتخانقوا مع العيال "الفافي" بتوع مدرسة اللغات اللي قدامنا عشان يظبطوا مع "المزز" اللي هناك.
طب ليه قلت إن شلة "مازن" هدفها الإفترا؟
أصل مازن ده عامل شلة من 3 بس "جتت" يعني أجسامهم ضخمة شوية علشان يوقفوا زحف أولاد تالتة إعدادي وتانية إعدادي، فتلاقيهم يستفردوا بواحد من تالتة إعدادي وضربوه على قفاه قدام البنات عشان يحرجوه ويستعرضوا عضلاتهم.
طب ليه انضميت لشلة الباشمهندس حازم؟
أبداً أصل كان واحد صاحبي طيب خالص فوجئت به انضم إلى حازم وشلته فحبيت أدخل الشلة دي عشان أنقذه منهم.
طب يا عم المنقذ وايه اللي حصل بعد كده؟
كان لازم طبعاً اجتاز الامتحان التأهيلي باعتبار إن ده من مسوغات الإنضمام إلى الشلة فسألوني إيه هي م . ك؟ فرديت عليهم إنها مونيكا كلينتون لكن معناها المقصود هو جنس بطريقة بلدي شوية.
وياترى الإمتحان انتهى عند هذا الحد؟
لأ طبعاً لأن الأسئلة كانت كتير وأنا بصراحة كنت مذاكر كويس من صاحبي عشان كده طلعت الأول وخدت تأشيرة الإلتحاق من الكينج "حازم" على إستمارة العضوية.
وإيه حكاية ص . هـ . و اللي داير تسأل الناس فيها كأنها فوازير رمضان؟
دي كمان كانت في أسئلة الإمتحان لكن معناها قبيح شوية. (ملحوظة هامة: تم حذف المعنى حرصاً على مشاعر القراء الأعزاء).
إنت قلت في بداية كلامك إن حازم ده ولد صايع .. إيه هو بقى الصايع من وجهة نظرك؟
واحد صاحبي كان جايب معاه مطواة قبل كده وشفتها معاه واستعرض بها وقال إنه واخد دورة في إستعمالها وإنه بيشرب سجاير وبيحشش كمان، بس ده كله هجص، إنما أنا شفت مرة 3 شباب جامعة في عربية معاهم بنت دقة وشم "مفتاح الحياة" على كتفها أصل دراعها كان باين لأنها كانت لابسة "بادي" كات وبنطلون برمودا قصير وشكلها صايع قوي وواضح إنهم كانوا بيدخنوا سجاير بانجو من شكل الدخان اللي طالع من السجاير هي دي الصياعة اللي بجد.!!
وإيه كمان؟
أنا عن نفسي شايف أن أكتر حاجة تخللي الواحد صايع إنه يشوف أفلام بورنو من اللي بتيجي على الدش أو في إسطوانات كمبيوتر وفيه أولاد بيكونوا شايلين معاهم مجلات إباحية من إياها اللي فيها صور "سيكو سيكو" وعلى فكرة المجلات والصور دي مغرقة الفصول في المدرسة والبنات بيحبوا يشوفوها كمان.
ويا ترى إنت بتعمل الحاجات دي كلها؟
ساعات وساعات يعني لما أكون مع الشلة في السيبر وكده يعني.
إلى هنا إنتهى حوارنا مع شادي ليبدأ شلال جارف من الأسئلة الساخنة يهب على رأسي من كل حدب وصوب .. وقبل أن أستفيق من صدمة اللقاء الأول انتابني شعور مستفز يجتذبني نحو تكرار التجربة لكن على كبير شوية.
وكما بدأنا بمقابلة مع ميني "صايع" في أولى إعدادي قررت أن يكون حواري التالي مع طالب بأحد المعاهد بعد أن أقنعته بأني طالبة بالدراسات العليا وأسعى لدراسة سلوكيات الشباب وأعترف أن ما شدني إليه هو شكله ومظهره الخارجي اللذين يحملان نفس المواصفات التي أوردها شادي عن حازم زعيم العصابة أقصد ـ الشلةـ التي ينتمي إليها فضلاً عن حاستى الصحفية التي استشفيت من خلالها أن مادة "الصياعة" الخام موجودة ومتوافرة في هذا الشاب..
كان يرتدي تي شيرت مرسوم عليه جمجمة وأسفله بنطلون جينز واسع له أكثر من عشرة جيوب ولملم شعره الطويل خلف ظهره بـ"ذيل حصان" ولف رقبته بسلسلة تتدلى بمجسم لـ "ثعبان الكوبرا" .. لاحظت أنه "سنتر القعدة" أخذته على جنب بعدما إستأذنت من الشلة وحكيت له "أنا
عايزة إيه بالضبط، رد: قشطة يا ميس معاكي للصبح..اسمك إيه؟
إسمي هاني والشفرة نونة.
قلت له: واضح إنك زعيم القعدة؟
رد: كل واحد فيهم "مان" رجولة طحن .. رجولة كيك.
يومك إزاي؟
أبداً باصحى الساعة 12 الظهر أفطر وأضرب أصطباحة "الويد" البانجو يعني وبعدين أنزل أروح المعهد.
على كده إنت بتحضر محاضراتك؟
يا ميس دماغك أنا باروح أروش .. أقعد مع الشلة .. أأنجج المزة وأديها خروج.
بتروح فين؟
حسب المود والأحوال .. ساعات نشد بالموتوسيكلات وساعات نطلع اسكندرية يوم بالعربية وفي العادي إما ديسكو أو بلياردو أو خروجات كده يعني.
وإزاي بتدخل حد جديد في الشلة بتاعتك؟
شوفي أنا زعيم العصابة اللي إنت شايفاها دي وأي حد جديد بأشوفه الأول لقيته روش وقشطة بيدخل معانا على طول.. المهم إن تكون دماغه من دماغنا بلا أسئلة بلا بتاع .. أنا معنديش عقدة النقص اللي عند غيري!!
إنت بتضرب بانجو ليه يا نونة؟
بصراحة كده وعلى بلاطة ومن الآخر أنا باشرب بانجو من تانية ثانوي، خللي بالك أنا مش مدمن، بس كده لزوم الترويش، ومعلومة لسيادتك البانجو ده مش إدمان؟!!
وهل يا ترى شربت مخدرات غير البانجو؟
بصراحة .. آيوه "ماريجوانا" لكني لقيت إن هي والبانجو دماغهم واحدة.. لكن إذا كان على "السخاميت" فما تعديش.
وإيه هو السخاميت ده؟
حد عايش في الزمن ده وما يعرفش إيه هي الـ"سخاميت" على كلٍ السخاميت هي السجاير بلغة البقالين .. عندك مثلاً سخاميت طباشير يعني سجاير كليوباترا وسخاميت ليلي مراد يعني سجاير LM
وشربت إيه تاني؟
شربت الكحول يعني خمرة وبيرة وكده يعني .. سحبت "سيس جماجم" يعني ولا مؤاخذة حجر شيشة على رأي إخواتنا القهوجية .. وضربت كروسات وأبو صليبة وصراصير يعني كده حاجة لزوم "بورا" الدماغ يعني.
ومنين بتشتري ده كله؟
أنا ما باشتريش.
أمال إيه؟
ممدوح عصفورة ده الـ "ديلر" بتاعي وانتيمي .. مان رجولة كيك يعجبك .. هو اللي بيجيبلي الويد ومستلزمات الدماغ كلها.. بأديله الفلوس وهو بيشتري .. أكلمه ع الموبايل وبعد نص ساعة تكون الدماغ من "السلهوب" والذي منه موجودة وحاضرة.
ويطلع إيه السلهوب ده كمان؟
سلهوب بلغوة تجار الصنف يعني الكيف إشي هيروين وماكس وبرشام وحشيش.
على كده مصروفك كام وبتصرف كام على الويد والواجب بتاعك؟
يعني بترزق .. بابا بيديني ثمن البنزين وفوقه المصروف وماما بتديني فلوس زيادة وساعات بنجمع فلوس من الشلة لما تكون الحالة ناشفة والعملية مقيحة ونجيب أنا والشلة ونضرب سوا كلنا يعني.
وإيه رأيك في الشلة بتاعتك؟
شباب رجولة بس حمادة الروش بيضرب ماكس على طول وعمل حادثة وأنا ما بحبش اللي بيضرب ماكس لأنه حيشردنا ويلطنا.
هاني نفسك تطلع إيه؟
نفسي أطلع أمريكا عشان أحقق أحلامي وأعيش .. أمريكا بقى .. وأعمل فلوس!!
بس أنا فهمت من كلامك إنك غني؟
لا يا ميس دا بابا اللي غني بس ناشف طحن "كيك يعني" أنا عايز أعمل فلوس بتاعتي يعني.
عشان تجيب بانجو؟
يوه .. أنا زهقت .. بأقولك إيه دماغك بقى .. ما أعرفش أهو أهاجر وخلاص .. اسكيوزك!!
صدمة أم فجيعة ؟!مالي أشعر بمرارة لاتنتهي وحزن دفين يدب في مداد قلمي؟!ما هذا الإحساس الغريب الذي ينتاب أوصالي؟
يدفعني دفعاً نحو مجهول لا أعرفه .. لا أريده؟ أخاف على ابنتي .. إخوتي .. مستقبل كل من أعرفه ولا أعرفه يعيش في هذا البلد..أتساءل ما جدوى الكتابة؟ ماذا لو أفرغت حمولي وهمومي؟ وما فائدة استقصاء آراء المختصين وتحليلاتهم وتفسيراتهم النفسية والمجتمعية
المعروفة سلفاً؟.
هل ثمة إذن تسمع .. وعين ترى؟ تساؤلات لا أجد لها سوى إجابة واحدة.
إن المأساة تمتد وتتوغل لتطبق على الجميع بلا هوادة ولا وازع من رحمة.
الموضوع من موقع مصراوي اكبر بوابه مصريعه عربيه عالانترنت
رشا لطفي - خاص - ايه اللي بيحصل بالضبط ؟! .. معقولة دي مدارسنا ؟! .. ازاي دول أولادنا ؟! .. دول كانوا لسه يا دوب حتة لحمة حمرا بيخطوا العتبة تاتاتا .. دخلوا مغارة الصياعة والضياع برجليهم ولا حد سمى عليهم .. أتاري المغارة ضلمة كحل مشرخة بالطول والعرض ملغمة عفاريت وشياطين وبلاوي سودا كتير.
الواد حسام ودماغه العالية في دنيا التوهان والبانجو والبرشام .. وصاحبنا شادي غرقان لشوشته في شرايط الجنس ومزز بلاد الخواجات..
وسامر واد برنجي في النط والتزويغ .. ما هو لا ضابط ولا رابط .. على رأيك مشيها وقول يا باسط تلاقيها هاصت، وعيش فرفور تموت مستور، وقلب واقلب، وسقع وبيع، والسريع المريع واوعى لحسن الهوا يعضك .. بلا تعليم بلا وجع دماغ .. سيبك من عكننة المدرسين وشخط المدير .. واللي يطق يموت .. وموتوا بغيظكم يا أولياء الأمور.. أما احنا كفاية علينا الكلام .. هو الكلام بفلوس .. ما هو كلام ابن عم حديت .. كلام ييجي على المواجع وكلام هردبيس .. عيال نقارة وعيال في الروشنة ببتهيص.. ويا ألف مليون خسارة ..!!
هل تعرف ما هي "م . ك"؟ .. ما تعرفش يبقى ما تنفعش تنضم إلى "الصيع" في مدرسة لغات بالدقي .. عارف ليه لأن "م . ك" هي أول سؤال لتأهيلك للصياعة "يا محترم " ..!!
طب خد عندك دي تعرف مين هي "ص . هـ . و" .. لسه مش عارف لا ده إنت حالتك مستعصية وميئوس منها على الآخر ولازم تعرض نفسك على أقرب خبير في الصياعة وإلا فاتتك فرصة العمر في الإلتحاق بركب الصايعين في القرن الواحد والعشرين ورجعت عشرات السنين إلى الوراء .. وإذا كان معندكش وقت إقرأ معنا هذا التحقيق.
والله العظيم.. ما ننشره هو ما يحدث بالضبط ولو لم تصدقنا اتفضل حضرتك انزل لناصية شارعكم أو اقرب مدرسة بجوار بيتكم حتى وإن كانت مدرسة إبتدائية وستكتشف بنفسك الحقيقة المذهلة المفجعة.
مفاهيم مجهولة الهوية مطموسة الملامح والقيم والمباديء اقتحمت حياتنا دون سابق استئذان لتنخر كالسوس في عظام أبنائنا، قنابل عنقودية قابلة للإنشطار والتناثر توزعت بين غول الإنحراف الذي كشر عن أنيابه ووحش الإنحلال يبخ سمومه في أعز ما نملك.. دراسات وأبحاث وتوصيات ولا حياة لمن تنادي.
أرجوكم لا تصدقونا ـ لأن هذا ما نريده بالضبط ـ انزلوا فوراً، تحروا، استقصوا، إسألوا، وابحثوا عن إجابات لتساؤلات مخيفة تداعت وتراكمت حتى استفحلت أوزارها واستشرت عللها وتعاظمت شرورها .. فهل من مغيث؟
الحكاية وما فيها إن شادي طالب في الصف الأول الإعدادي بإحدى المدارس التجريبية فوجيء عندما أراد أن ينضم إلى شلة "حازم" بأن أعضاء الشلة أجروا له إختباراً لتحديد مدى أهليته للإنضمام إلى شلتهم الموقرة !!!
سألت شادي: إيه اللي حصل؟
أبداً حبيت أنضم لشلة "حازم".
ومين حازم ده؟
ولد صايع عندنا في المدرسة وفي الفصل كمان عامل شلة هدفها الصياعة ودي غير شلة "مازن" اللي هدفها الإفترا؟!!!
وشكله إيه الأستاذ حازم؟
واد "روش طحن" "كينج" على كبير قوي آخر "هرتللة" ضارب شعره "واكس" وعامل "سبايكي" لابس بنطلون جينز ديرتي مرقع و"حظاظة" آخر صيحة وبادي مطبوع عليه زهرة الخشخاش وشايل مطواة "مشعوطة" وعامل شلة آخر "فنججة" وبيروح هو وشلته يتخانقوا مع العيال "الفافي" بتوع مدرسة اللغات اللي قدامنا عشان يظبطوا مع "المزز" اللي هناك.
طب ليه قلت إن شلة "مازن" هدفها الإفترا؟
أصل مازن ده عامل شلة من 3 بس "جتت" يعني أجسامهم ضخمة شوية علشان يوقفوا زحف أولاد تالتة إعدادي وتانية إعدادي، فتلاقيهم يستفردوا بواحد من تالتة إعدادي وضربوه على قفاه قدام البنات عشان يحرجوه ويستعرضوا عضلاتهم.
طب ليه انضميت لشلة الباشمهندس حازم؟
أبداً أصل كان واحد صاحبي طيب خالص فوجئت به انضم إلى حازم وشلته فحبيت أدخل الشلة دي عشان أنقذه منهم.
طب يا عم المنقذ وايه اللي حصل بعد كده؟
كان لازم طبعاً اجتاز الامتحان التأهيلي باعتبار إن ده من مسوغات الإنضمام إلى الشلة فسألوني إيه هي م . ك؟ فرديت عليهم إنها مونيكا كلينتون لكن معناها المقصود هو جنس بطريقة بلدي شوية.
وياترى الإمتحان انتهى عند هذا الحد؟
لأ طبعاً لأن الأسئلة كانت كتير وأنا بصراحة كنت مذاكر كويس من صاحبي عشان كده طلعت الأول وخدت تأشيرة الإلتحاق من الكينج "حازم" على إستمارة العضوية.
وإيه حكاية ص . هـ . و اللي داير تسأل الناس فيها كأنها فوازير رمضان؟
دي كمان كانت في أسئلة الإمتحان لكن معناها قبيح شوية. (ملحوظة هامة: تم حذف المعنى حرصاً على مشاعر القراء الأعزاء).
إنت قلت في بداية كلامك إن حازم ده ولد صايع .. إيه هو بقى الصايع من وجهة نظرك؟
واحد صاحبي كان جايب معاه مطواة قبل كده وشفتها معاه واستعرض بها وقال إنه واخد دورة في إستعمالها وإنه بيشرب سجاير وبيحشش كمان، بس ده كله هجص، إنما أنا شفت مرة 3 شباب جامعة في عربية معاهم بنت دقة وشم "مفتاح الحياة" على كتفها أصل دراعها كان باين لأنها كانت لابسة "بادي" كات وبنطلون برمودا قصير وشكلها صايع قوي وواضح إنهم كانوا بيدخنوا سجاير بانجو من شكل الدخان اللي طالع من السجاير هي دي الصياعة اللي بجد.!!
وإيه كمان؟
أنا عن نفسي شايف أن أكتر حاجة تخللي الواحد صايع إنه يشوف أفلام بورنو من اللي بتيجي على الدش أو في إسطوانات كمبيوتر وفيه أولاد بيكونوا شايلين معاهم مجلات إباحية من إياها اللي فيها صور "سيكو سيكو" وعلى فكرة المجلات والصور دي مغرقة الفصول في المدرسة والبنات بيحبوا يشوفوها كمان.
ويا ترى إنت بتعمل الحاجات دي كلها؟
ساعات وساعات يعني لما أكون مع الشلة في السيبر وكده يعني.
إلى هنا إنتهى حوارنا مع شادي ليبدأ شلال جارف من الأسئلة الساخنة يهب على رأسي من كل حدب وصوب .. وقبل أن أستفيق من صدمة اللقاء الأول انتابني شعور مستفز يجتذبني نحو تكرار التجربة لكن على كبير شوية.
وكما بدأنا بمقابلة مع ميني "صايع" في أولى إعدادي قررت أن يكون حواري التالي مع طالب بأحد المعاهد بعد أن أقنعته بأني طالبة بالدراسات العليا وأسعى لدراسة سلوكيات الشباب وأعترف أن ما شدني إليه هو شكله ومظهره الخارجي اللذين يحملان نفس المواصفات التي أوردها شادي عن حازم زعيم العصابة أقصد ـ الشلةـ التي ينتمي إليها فضلاً عن حاستى الصحفية التي استشفيت من خلالها أن مادة "الصياعة" الخام موجودة ومتوافرة في هذا الشاب..
كان يرتدي تي شيرت مرسوم عليه جمجمة وأسفله بنطلون جينز واسع له أكثر من عشرة جيوب ولملم شعره الطويل خلف ظهره بـ"ذيل حصان" ولف رقبته بسلسلة تتدلى بمجسم لـ "ثعبان الكوبرا" .. لاحظت أنه "سنتر القعدة" أخذته على جنب بعدما إستأذنت من الشلة وحكيت له "أنا
عايزة إيه بالضبط، رد: قشطة يا ميس معاكي للصبح..اسمك إيه؟
إسمي هاني والشفرة نونة.
قلت له: واضح إنك زعيم القعدة؟
رد: كل واحد فيهم "مان" رجولة طحن .. رجولة كيك.
يومك إزاي؟
أبداً باصحى الساعة 12 الظهر أفطر وأضرب أصطباحة "الويد" البانجو يعني وبعدين أنزل أروح المعهد.
على كده إنت بتحضر محاضراتك؟
يا ميس دماغك أنا باروح أروش .. أقعد مع الشلة .. أأنجج المزة وأديها خروج.
بتروح فين؟
حسب المود والأحوال .. ساعات نشد بالموتوسيكلات وساعات نطلع اسكندرية يوم بالعربية وفي العادي إما ديسكو أو بلياردو أو خروجات كده يعني.
وإزاي بتدخل حد جديد في الشلة بتاعتك؟
شوفي أنا زعيم العصابة اللي إنت شايفاها دي وأي حد جديد بأشوفه الأول لقيته روش وقشطة بيدخل معانا على طول.. المهم إن تكون دماغه من دماغنا بلا أسئلة بلا بتاع .. أنا معنديش عقدة النقص اللي عند غيري!!
إنت بتضرب بانجو ليه يا نونة؟
بصراحة كده وعلى بلاطة ومن الآخر أنا باشرب بانجو من تانية ثانوي، خللي بالك أنا مش مدمن، بس كده لزوم الترويش، ومعلومة لسيادتك البانجو ده مش إدمان؟!!
وهل يا ترى شربت مخدرات غير البانجو؟
بصراحة .. آيوه "ماريجوانا" لكني لقيت إن هي والبانجو دماغهم واحدة.. لكن إذا كان على "السخاميت" فما تعديش.
وإيه هو السخاميت ده؟
حد عايش في الزمن ده وما يعرفش إيه هي الـ"سخاميت" على كلٍ السخاميت هي السجاير بلغة البقالين .. عندك مثلاً سخاميت طباشير يعني سجاير كليوباترا وسخاميت ليلي مراد يعني سجاير LM
وشربت إيه تاني؟
شربت الكحول يعني خمرة وبيرة وكده يعني .. سحبت "سيس جماجم" يعني ولا مؤاخذة حجر شيشة على رأي إخواتنا القهوجية .. وضربت كروسات وأبو صليبة وصراصير يعني كده حاجة لزوم "بورا" الدماغ يعني.
ومنين بتشتري ده كله؟
أنا ما باشتريش.
أمال إيه؟
ممدوح عصفورة ده الـ "ديلر" بتاعي وانتيمي .. مان رجولة كيك يعجبك .. هو اللي بيجيبلي الويد ومستلزمات الدماغ كلها.. بأديله الفلوس وهو بيشتري .. أكلمه ع الموبايل وبعد نص ساعة تكون الدماغ من "السلهوب" والذي منه موجودة وحاضرة.
ويطلع إيه السلهوب ده كمان؟
سلهوب بلغوة تجار الصنف يعني الكيف إشي هيروين وماكس وبرشام وحشيش.
على كده مصروفك كام وبتصرف كام على الويد والواجب بتاعك؟
يعني بترزق .. بابا بيديني ثمن البنزين وفوقه المصروف وماما بتديني فلوس زيادة وساعات بنجمع فلوس من الشلة لما تكون الحالة ناشفة والعملية مقيحة ونجيب أنا والشلة ونضرب سوا كلنا يعني.
وإيه رأيك في الشلة بتاعتك؟
شباب رجولة بس حمادة الروش بيضرب ماكس على طول وعمل حادثة وأنا ما بحبش اللي بيضرب ماكس لأنه حيشردنا ويلطنا.
هاني نفسك تطلع إيه؟
نفسي أطلع أمريكا عشان أحقق أحلامي وأعيش .. أمريكا بقى .. وأعمل فلوس!!
بس أنا فهمت من كلامك إنك غني؟
لا يا ميس دا بابا اللي غني بس ناشف طحن "كيك يعني" أنا عايز أعمل فلوس بتاعتي يعني.
عشان تجيب بانجو؟
يوه .. أنا زهقت .. بأقولك إيه دماغك بقى .. ما أعرفش أهو أهاجر وخلاص .. اسكيوزك!!
صدمة أم فجيعة ؟!مالي أشعر بمرارة لاتنتهي وحزن دفين يدب في مداد قلمي؟!ما هذا الإحساس الغريب الذي ينتاب أوصالي؟
يدفعني دفعاً نحو مجهول لا أعرفه .. لا أريده؟ أخاف على ابنتي .. إخوتي .. مستقبل كل من أعرفه ولا أعرفه يعيش في هذا البلد..أتساءل ما جدوى الكتابة؟ ماذا لو أفرغت حمولي وهمومي؟ وما فائدة استقصاء آراء المختصين وتحليلاتهم وتفسيراتهم النفسية والمجتمعية
المعروفة سلفاً؟.
هل ثمة إذن تسمع .. وعين ترى؟ تساؤلات لا أجد لها سوى إجابة واحدة.
إن المأساة تمتد وتتوغل لتطبق على الجميع بلا هوادة ولا وازع من رحمة.
